Vazhdon thirrja e VV-së për qeverinë Hoti: Lëshoni rrugë dhe kthehuni tek sovrani

00:15 | 7 Korrik 2020
Trina Galanxhi

Deputetja e Lëvizjes Vetëvendosje, Fjolla Ujkani, ka bërë thirrje për qeverinë Hoti dhe të kthehen tek sovrani, shkruan Gazeta Blic.

Në një shkrim të saj në Facebook, Ujkani thotë se “qeveria jolegjitime po vazhdon praktikën që t’i ruajnë interesat e veta personale”.

Ajo ka shtuar se qeveria aktuale ka mungesë të profesionistëve në përballje me pandeminë Covid-19.

Shkrimi i plotë i Fjolla Ujkanit:

Kjo qeveri ilegjitime çdo herë e më shumë po e dëshmon që janë bërë bashkë që ta vazhdojnë praktikën e mëhershme, pra ti ruajnë interesat e tyre personale.

Mungesa e profesionistëve në menaxhimin e situatës në të cilën ndodhemi, ka bërë që gjithçka e mirëmenaxhuar deri tash të dalë jashtë kontrollit dhe të rezultoj me raste fatale, të cilat janë vdekje të dyshimta.

Aq më shumë që vazhdoni të qeverisni pa legjitimitet qytetar, aq më shumë po e pësojnë qytetarët, andaj lëshoni rrugë e kthehuni te sovrani, aty e shihni sa është ora!

#dorëheqje

 

Shpërndaje në rrjete sociale

Lajmet më të lexuara

Të ngjashme

Foto lajm